香港麥當勞　也送多啦A夢十二生肖公仔！

哆啦A夢中文網／哆啦A夢新聞台

99年1月20日／香港《頭條日報》，21日更新

香港麥當勞　也送哆啦A夢十二生肖公仔！　　今個農曆新年有願望想達成？不如等擁有百寶袋的多啦A夢幫幫你吧！麥當勞今年特別請來這隻得意可愛的機械貓來贈興，而多啦A夢亦帶備了十二生肖變身器，將自己化身成十二個不同造型，同大家拜個早年！

　　由於去年開心樂園餐換領多啦A夢公仔大受歡迎，故此麥當勞決定請再推出第二波，以多啦A夢取代過去的林海峰和葛民輝的軟硬組合，化身12生肖造型的賀年公仔！全套12隻多啦A夢公仔Size的骰，只得約8cm高，並且放棄頂上的竹蜻蜓，換上掛繩方便陪你四處遊歷。另外，多啦A夢的12生肖動物造型也見認真仔細，如分別披上虎紋衫或戴上馬騮耳仔，唯妙唯肖。而且表情可愛鬼馬，除一貫的笑口常開外，也有抵死的驚嚇或嘻笑表情，甚討人歡喜！

　　詳細活動方式如下：

換領日期︰由1月21日至2月21日
換領方法︰凡於麥當勞指定分店消費滿$17，加$12可換購一款多啦A夢十二生肖公仔。3
購買麥當勞$10美食券，贈送1個多啦A夢12生肖紅色利是封（台灣的紅包袋，共有12款）
心急想一次擁有全套多啦A夢生肖公仔，可以選擇購買Boxset，另送情人節別注版公仔、1張麥當勞$10美食券（共12款）、多啦A夢12生肖金色利是封、多啦A夢手挽百寶袋等，售價$288（可省$53）。
為配合活動，多家香港麥當勞將改裝為多啦A夢餐廳。可與多啦A夢近距離接觸。